У Лідзе праз няўдалае гатаванне згарэў грузавік
Згарэлы грузавік / grodno.mchs.gov.by
У Лідзе згарэў грузавы аўтамабіль Iveco Daily. Ратавальнікі, якія тушылі пажар, кажуць, што да ўзгарання, хутчэй за ўсё, "прывяло неасцярожнае абыходжанне з агнём падчас падрыхтоўкі ежы з выкарыстаннем партатыўнай газавай пліткі". То-бок кулінарылі ўнутры аўто. Грузавік у момант надзвычайнага здарэння стаяў на стаянцы, якая не ахоўвалася.
У Iveco пашкоджаны маторны адсек, салон і элементы кузава. Пацярпеў і суседні аўтамабіль Volkswagen — у яго агонь пашкодзіў лакафарбавае пакрыццё.
Пашкоджанні атрымаў і суседні аўтамабіль Volkswagen / grodno.mchs.gov.by
