У Магілёве ратавальнікі дасталі з тэхнічнага калодзежа 77-гадовую жанчыну
Ратавальнікі на месцы здарэння / mchs.gov.by
Раніцай 22 красавіка ў МНС патэлефанаваў мужчына і распавёў, што яго мама ўпала ў тэхнічны калодзеж на тэрыторыі прыватнага ўчастка.
— У бетонную пастку пенсіянерка трапіла праз халатнасць дамачадцаў, якія забыліся закрыць вечка люка, — піша прэс-служба МНС.
Жанчыну выратавалі з калодзежа глыбінёй 2 метры з дапамогай выратавальнай трыножкі і альпінісцкага рыштунку. Пенсіянерка шпіталізаваная.
