У Мінску знялі стрыт-арт, прысвечаны Святлане Алексіевіч
![У Мінску знялі стрыт-арт, прысвечаны Святлане Алексіевіч](/sites/default/files/styles/gallery_main/public/2023-08/mg9246.jpg.webp?itok=_TIi5fkb)
У Мінску ўлады загадалі зняць стрыт-арт, прысвечаны пісьменніцы, Нобелеўскай лаўрэатцы Святлане Алексіевіч. Прычына — не было ўзгаднення. Да таго ж арт-аб'ект з'явіўся на сцяне будынка, які з'яўляецца гісторыка-культурнай каштоўнасцю. Як інфармуе партал tut.by, чыноўнікі з адміністрацыі Ленінскага раёна асабіста назіралі за тым, як здымалі стрыт-арт. Супрацоўнікі Ulej.by яшчэ не вырашылі, куды яго перанясуць.
Як інфармавала Еўрарадыё, стрыт-арт з'явіўся на адным з былых завадскіх карпусоў на Кастрычніцкай вуліцы (яго аўтар — вулічны мастак Ігар Стахіевіч (Bazinato) з Маладзечна). Гэты праект прымеркавалі да выхаду пяцітомніка "Галасы ўтопіі", перакладаў пяці асноўных твораў Святланы Алексіевіч на беларускую мову.
![У Мінску знялі стрыт-арт, прысвечаны Святлане Алексіевіч](/sites/default/files/paragraphs/image/art-obektaleksievichischez.jpg)
Фота: ulej.by