У Мінску затрымалі праваслаўнага святара Уладзіслава Багамольнікава
У Мінску затрымалі праваслаўнага святара Уладзіслава Багамольнікава. Як паведамляе тг-канал @christianvision, супрацоўнікі ГУБАЗіК МУС выламалі дзверы ў яго кватэры. Цяпер ён знаходзіцца на Акрэсціна.
Багамольнікаў — клірык прыходу мінскага храма Богаяўлення, колішні загадчык Царкоўна-гістарычнага музея БПЦ, член Епархіяльнага суда Мінскай епархіі. Ён быў на Плошчы Перамен у Мінску, ушаноўваў памяць забітага пратэстоўца Рамана Бандарэнкі, абвяшчаў галадоўку ў падтрымку палітвязня Ігара Лосіка, выступаў супраць расійскай агрэсіі ва Украіне.
