У Мінску заўзятара не пусцілі на футбол з-за футболкі з 18-м нумарам

Баец АМАПа не пусціў на мінскі стадыён "Трактар" заўзятара ў футболцы зборнай Беларусі, яму падаўся падазроным нумар 18, інфармуе сайт belultras.by.

Здарылася гэта ў пятніцу, 29 красавіка, перад матчам чэмпіянату Беларусі ў вышэйшай лізе паміж мінскім "Дынама" і "Слуцкам" (ён скончыўся ўнічыю 1:1). У заўзятара "Дынама" была гульнявая майка зборнай Беларусі з афіцыйным гербам краіны і нумарам.