У Мінску зноў трапіла пад трамвай школьніца
Здарэнне адбылося ў 18.30 ў чацвер, 16 кастрычніка, на Лагойскім тракце.
13-гадовая дзяўчынка трапіла пад трамвай 5-га маршрута. У яе траўма твару, левай рукі і, паводле папярэдніх дадзеных, пералом хвасца. Пацярпелая шпіталізаваная ў Рэспубліканскі навукова-практычны цэнтр траўматалогіі і артапедыі.
Як інфармуе прэс-служба МНС, з-за здарэння на 1 гадзіну 6 хвілін быў спынены рух трамваяў. На гэты час дадаткова ўводзілі чатыры аўтобусныя маршруты.
Нагадаем, раніцай 14 кастрычніка ў Мінску на вуліцы Пляханава 12-гадовая дзяўчынка па дарозе ў школу трапіла пад трамвай (на здымку). Яе шпіталізавалі.
Фота — МНС
