У Польшчы адкрылі газаправод Baltic Pipe
Прэм'ер Польшчы Матэвуш Маравецкі, прэм'ер Даніі Мэтэ Фрэдэрыксен і прэзідэнт Польшчы Анджэй Дуда / pap.pl
У Польшчы ў горадзе Галенюў адкрылі газаправод Baltic Pipe. Па ім будзе пастаўляцца праз Данію газ з Нарвегіі — 10 млрд кубаметраў штогод.
"Эпоха расійскага дамінавання ў газавай сферы падыходзіць да канца, эпоха адзначаная шантажом, пагрозамі і вымагальніцтвам", — цытуе словы польскага прэм'ер-міністра Матэвуша Маравецкага pap.pl.
Baltic Pipe злучыў газаправодам Польшчу і Данію. Таму ў мерапрыемстве ўдзельнічала прэм'ер-міністр гэтай краіны Мэтэ Фрэдэрыксен.
Чакаецца, што газ з Нарвегіі пачне пастаўляцца ў Польшчу і ў суседнія краіны з пачатку кастрычніка, а да зімы газаправод запрацуе ў поўную магутнасць.
