У Рагачове прайшоў "партызанскі" парад
Тэрабарона ў Рагачове, сакавік 2024-га / slova.by
У Рагачове прайшоў "партызанскі" парад. На цэнтральнай плошчы горада сабралі ўдзельнікаў тэрытарыяльнай абароны. 16 чалавек з 154 жыхароў Рагачоўскага і Кармянскага раёнаў складалі вайсковую прысягу. А пасля арганізавалі "парад" — байцы прайшлі з аўтаматамі ў руках. Яго прымаў старшыня Гомельскага аблвыканкама, начальнік зоны тэрабароны Іван Крупко, піша раённая газета "Свабоднае слова".
Вучэнні тэрытарыяльнай абароны ў Рагачове праходзяць з сярэдзіны сакавіка. На зборы планавалі выклікаць каля 200 чалавек, аднак у выніку іх на паўсотні менш.
