У Салігорску "Міцубісі-Паджэра" трапіў пад цягнік (фота)

11 верасня ў 8:57 на чыгуначным пераездзе ў Асіповічах адбылося ДТЗ з удзелам дызель-цягніка і легкавога аўтамабіля. Ратавальнікам пра гэта паведаміў дзяжурны чыгуначнай станцыі "Асіповічы", інфармуе прэс-служба МНС.

Пераезд абсталяваны светлавой і гукавой сігналізацыяй. Пазадарожнік "Міцубісі-Паджэра" сутыкнуўся з дызель-цягніком Асіповічы-Салігорск, калі спрабаваў адолець пераезд на забараняльны сігнал святлафора. 

Паведамляецца, што падчас ДТЗ кіроўца быў у машыне адзін. Пры аварыі ён не пацярпеў.

Аўтамабіль і лакаматыў атрымалі механічныя пашкоджанні. Чыгуначнае палатно не пашкоджанае.

Рух цягнікоў спыняўся на 57 хвілін. У 9.35 рух на гэтым участку быў адноўлены.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.