У спіс палітвязняў дадалося восем чалавек
Палітвязні
У Беларусі стала больш на восем палітвязняў, паведамляюць праваабаронцы.
Гэта Аляксандр Піскуноў, Яраслаў Вердыш, Аляксандр Яўціхаў, Дзмітрый Гут, Яўген Тоўсцік, Аляксандр Паліўка, Павел Кунцэвіч, Іван Асіповіч. Большасць з іх была асуджаная па абвінавачванні ў распальванні сацыяльнай варожасці — за каментары ў інтэрнэце. Аляксандра Яўціхава таксама судзілі за перасылку відэа ваеннай тэхнікі ў пратэсны тэлеграм-канал, які рэжым Лукашэнкі абвясціў "экстрэмісцкім".
На сёння статус палітвязня ў Беларусі маюць 1414 чалавек. Насамрэч колькасць людзей, затрыманых і асуджаных па палітычных матывах, яшчэ большая.
