У Вушачах будуць вуліца і школа імя Рыгора Барадуліна
Імя паэта будзе насіць вуліца, дзе стаіць дом, у які ён прыязджаў з Мінска, а таксама школа, якая знаходзіцца на гэтай вуліцы.
Пакуль што вуліца носіць назву Школьнай.
Таксама ў вушацкім музеі пашыраць частку экспазіцыі пра Рыгора Барадуліна, перадае Радыё "Свабода".
З ініцыятывай ушанаваць на радзіме памяць Рыгора Барадуліна выступілі Саюз беларускіх пісьменьнікаў, Рада віцебскай абласной арганізацыі Таварыства беларускай мовы, шэраг іншых грамадскіх аб’яднанняў.
