Украіна будзе дамагацца, каб Беларусь вызваліла яе грамадзяніна

04/10/2021 - 15:59

МИД Украины: будем добиваться, чтобы Беларусь освободила нашего гражданина

Украінскі бок будзе дамагацца вызвалення свайго грамадзяніна Міхаіла Ферэнца. Пра гэта паведамляе спікер МЗС Украіны Алег Нікаленка ў сацсетках.

Прысуд у дачыненні да Ферэнца яшчэ не ўступіў у сілу, адвакаты падалі апеляцыйную скаргу. Прадстаўнік МЗС заявіў, што Украіна працягне абараняць інтарэсы свайго грамадзяніна "ўсімі даступнымі сродкамі для яго вызвалення".

Раней Еўрарадыё паведамляла, што грамадзянін Украіны Міхаіл Ферэнц прысуджаны да 3 гадоў пазбаўлення волі за "ўдзел у дзеяннях, якія груба парушаюць грамадскі парадак, і наўмыснае пашкоджанне маёмасці". Украінскае МЗС назвала палітычна матываванай справу Ферэнца і запатрабавала яго вызваліць.

Грамадзянін Украіны Міхаіл Ферэнц прызнаны палітвязнем у Беларусі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.