Украіна штомесяц будзе атрымліваць ад ЕС 1,5 млрд еўра — да перамогі
Украінскі прэм'ер Дзяніс Шмыгаль і кіраўніца Еўракамісіі Урсула фон дэр Ляен / twitter.com/vonderleyen
Еўрасаюз на працягу вайны будзе штомесяц пераводзіць Украіне да 1,5 млрд еўра. Гэтыя сродкі пойдуць для фінансавання дэфіцыту дзяржбюджэту. Пра гэта ў аўторак заявіла кіраўніца Еўракамісіі Урсула фон дэр Ляен. Яна нагадала, што з пачатку 2022 года Украіна ўжо атрымала ад Еўрасаюза больш за 19 млрд еўра фінансавай дапамогі, калі не лічыць ваенных паставак. Але гэта недастаткова, адзначыла Ляен. Паводле яе слоў, Украіне штомесяц неабходныя ад 3 млрд да 5 млрд еўра толькі для бягучых выдаткаў.
"Надзейная падтрымка неабходная ад Еўрапейскага Саюза, нашых сяброў з ЗША і міжнародных фінансавых інстытутаў, — кажа кіраўніца Еўракамісіі. — Я веру, што будзе слушна, калі Еўрапейскі Саюз возьме на сябе справядлівую долю".
У 2023 годзе ЕС плануе падтрымаць Украіну на суму каля 18 млрд еўра.
We can never match the sacrifices Ukrainians are making every day.
— Ursula von der Leyen (@vonderleyen) October 25, 2022
But we can stand with them and provide what they need – for relief, fast rehabilitation and reconstruction.
This is why we are gathered here today at the #RecoveryOfUkraine conference ↓
https://t.co/KpdLTOkPot
