Украіна вярнула дадому пяць грамадзян, якім рабілі перасадку органаў у Беларусі
Дзмітрый Кулеба / Інформатор
Украіна вярнула з Беларусі пяцёх пацыентаў, якія перанеслі аперацыі па перасадцы органаў. Грамадзяне суседняй краіны не маглі вярнуцца дадому з-за закрыцця межаў і блакіроўкі авіязносін. Пра гэта ў фэйсбуку напісаў кіраўнік украінскага МЗС Дзмітрый Кулеба.
"Яшчэ адзін чалавек чакае нашай дапамогі ў вяртанні з Беларусі. Мы гатовыя ўжо па адпрацаванай схеме зрабіць усё неабходнае, як толькі ён вырашыць, калі захоча вярнуцца", — напісаў міністр.
Грамадзян Украіны на радзіму дастаўляе рэанімабіль.
Нягледзячы на закрыццё межаў беларускія клінікі працягваюць аказваць замежнікам паслугі па перасадцы органаў. У лістападзе 2020 года ў СМІ з'явіліся паведамленні, што беларускія памежнікі не прапускаюць на тэрыторыю Беларусі грамадзян Украіны, якія рыхтуюцца да ўжо аплочанай аперацыі па перасадцы ныркі ў
Мінску і Брэсце. Рашэннем сітуацыі займаўся ўкраінскі МЗС.
