Уначы над Беларуссю зноў ляталі расійскія "шахеды" — "Беларускі Гаюн"
Дроны "Шахед", ілюстрацыйнае фота / pravda.com.ua
У ноч на 31 ліпеня ў паветраную прастору Беларусі зноў заходзілі расійскія дроны-камікадзэ "Шахед". Пра гэта паведамляе маніторынгавая група "Беларускі Гаюн" са спасылкай на ўкраінскія тг-каналы.
У прыватнасці, адзін з "Шшахедаў" зайшоў у паветраную прастору Гомельшчыны з Чарнігаўскай вобласці Украіны. Пасля гэтага, як адзначае "Беларускі Гаюн", на аэрадроме Баранавічы ў паветра быў узняты знішчальнік Ваенна-паветраных сіл РБ.
Таксама паведамлялася пра заход у Беларусь яшчэ некалькіх "Шахедаў". Адзін з іх быў зафіксаваны над тэрыторыяй Палескага радыяцыйна-экалагічнага запаведніка, ён рухаўся ў напрамку Чарнобыля.
Пазней стала вядома, што ў Беларусь заляталі пяць расійскіх дронаў-камікадзэ.
Як апавядала Еўрарадыё, у сярэдзіне ліпеня расійскі "Шахед" зваліўся і выбухнуў на тэрыторыі Гомельскай вобласці.
