Вайскоўца ў Слоніме судзяць за дзедаўшчыну
Вайсковая часць у Слоніме / DW/A. Burakow
У Слоніме мужчыну судзяць за дзедаўшчыну, заўважыў праваабарончы канал "Права маюць".
Паўла Пліско вінавацяць у парушэнні статутных правіл узаемаадносін вайскоўцаў. Падрабязнасці справы невядомыя.
Паводле артыкула 443 КК могуць пакараць за гвалт і здзек з чалавека, які праходзіць вайсковую службу, або жорсткае абыходжанне з ім, прымусовае выкарыстанне асобы ў асабістых інтарэсах, вымагальніцтва, адабранне ў яго прадметаў іншым вайскоўцам.
За гэта пагражае да 4 гадоў пазбаўлення волі.
У Слоніме размяшчаецца 11-я гвардзейская асобная механізаваная брыгада — вайсковая часць 33933. Сумную славу яна набыла, калі ў 2018 годзе тут павесіўся салдат.
