З пачатку года 1,5 тысячы беларусаў пачалі сваю справу “па заяўным прынцыпе”
![З пачатку года 1,5 тысячы беларусаў пачалі сваю справу “па заяўным прынцыпе”](/sites/default/files/styles/gallery_main/public/2023-08/180222_k2.jpg.webp?itok=IKcQbom7)
З пачатку года 1,5 тысячы беларусаў пачалі сваю справу “па заяўным прынцыпе”. Пра гэта Еўрарадыё распавёў старшыня прэзідыума Рэспубліканскай канфедэрацыі прадпрымальніцтва Уладзімір Карагін:
![З пачатку года 1,5 тысячы беларусаў пачалі сваю справу “па заяўным прынцыпе”](/sites/default/files/styles/round_photo/public/paragraphs/round_photo/180222k.jpg.webp?itok=7o_0_nT_)
“З 1 студзеня гэтага года ты можаш спячы булачкі і прадаць іх. У невялікіх гарадах заняцца парыкмахерскімі паслугамі. Іншымі рэчамі, якія не нясуць пагрозы здароўю чалавека. І сёння ўжо 1,5 тысячы заявіла пра гэта, і ўжо пачалі працаваць. Актыўна развіваецца рамесніцтва – сёння 26 тысяч чалавек пачалі рамесную дзейнасць”.
Спалучэнне “заяўнага прынцыпу дзяржаўнай рэгістрацыі суб'ектаў гаспадарання” і “паведамляльнага парадку пачатку ажыццяўлення асобных відаў эканамічнай дзейнасці” прадугледжваецца дэкрэтам №7 “Аб развіцці прадпрымальніцтва”, прынятым 23 лістапада 2017 года.
22 лютага стартуе III Тыдзень беларускага прадпрымальніцтва. У яго праграме 47 падзеяў, ад трэнінга па прэзентацыі бізнес-ідэі да вечара таджыкскай літаратуры. Цягам тыдня ў рэгіёнах Беларусі пройдуць сустрэчы бізнесменаў з чыноўнікамі, будуць сфарміраваныя саветы па прадпрымальніцтве.