За суткі 233 мігранты хацелі патрапіць з Беларусі ў ЕС у абыход пунктаў пропуску

За мінулыя суткі прайсці мяжу Беларусі з краінамі Еўрасаюза па-за пунктамі пропуску спрабавалі 233 мігранты. Большая частка з іх імкнулася ў Польшчу — 206 чалавек. Сярод іх былі грамадзяне Марока, Індыі, Эфіопіі і Гвінеі.

У раёне Чарамхі група з 7 мужчын на беларускім баку паводзіла сябе агрэсіўна, кідала камяні ў бок польскіх патрулёў. Ніхто не пацярпеў. У раёне Крынак двое грамадзянаў Камеруна пераправіліся праз Свіслач. 22 мігранты вярнуліся на беларускую тэрыторыю, пабачыўшы польскія патрулі, паведамляе Пагранслужба Польшчы.

На латвійска-беларускай мяжы за суткі затрыманыя 25 чалавек. Патрапіць у Літву спрабавалі двое мігрантаў.