Загарэўся чарговы аўтобус МАЗ — цяпер у Гомелі

У Гомелі загарэўся аўтобус МАЗ з пасажырамі. Пра гэта паведамляюць "Моцныя навіны" са спасылкай на падпісчыцу.

Здарэнне адылося каля прыпынку "Міжнародная" з аўтобусам 12-га маршруту. Пасажыраў з салона вывелі.  

На месца здарэння прыехалі дзве "хуткія" і тры пажарныя машыны.

Аўтобусы МАЗ рэгулярна загараюцца ў Расіі. Прычынай гэтага называюць заходнія санкцыі, уведзеныя супраць прадпрыемства.

У расійскіх СМІ паведамлялася, што летась толькі ў Санкт-Пецярбургу загарэлася не менш за дзевяць беларускіх аўтобусаў. Пазалетась было зафіксавана восем такіх выпадкаў.