Жаночая зборная Беларусі па баскетболе сёння згуляе з Францыяй

Сёння, 21 чэрвеня беларуская жаночая зборная па баскетболе згуляе на чэмпіянаце Еўропы з камандай Францыі. Гульня, якая пройдзе ў венгерскім Дэбрэцэне, пачнецца ў 21.30 па беларускім часе. Жывую трансляцыю матчу пакажуць на тэлеканале "Беларусь-5".

У сераду 17-га чэрвеня беларускі ва ўпартай барацьбе прайгралі чэшкам (70:73), а ў пятніцу 19-га — чарнагоркам (72:77). Зборная Францыі лічыцца адной з наймацнейшых на планеце. Калі нашы дзяўчаты перамогуць, то адназначна выйдуць з групы.

Калі беларускі прайграюць, то з верагоднасцю 90% пакінуць чэмпіянат Еўропы і не адбяруцца на Алімпійскія гульні.

Але перад матчам Беларусь — Францыя, пройдзе два іншыя паядынкі ў групе: Турцыя — Чэхія (16:30) і Чарнагорыя — Грэцыя (19:00). Перамога Турцыі, напрыклад, дае беларускам шанец на пуцёўку ў плэй-оф.

На першым этапе Еўра-2015 беларускі выйгралі ўсе чатыры матчы і былі лідарамі групы.

Фота: naviny.by