Зяленскі адрынуў магчымасць якіх-небудзь тэрытарыяльных саступак Расіі
Уладзімір Зяленскі сярод украінскіх вайскоўцаў / president.gov.ua
Прэзідэнт Украіны Уладзімір Зяленскі ў інтэрв'ю "Бі-Бі-Сі" адрынуў магчымасць якіх-небудзь тэрытарыяльных саступак Расіі. Як і магчымасць кампрамісу з Уладзімірам Пуціным.
"Сёння наша выжыванне, наша яднанне — адна мэта, — кажа Зяленскі. — Мы ідзем у Еўропу, Украіна выбрала гэты шлях. Усё гэта немагчыма страціць. Украіна хоча гарантый бяспекі, усе мы хочам — мы аб'яднаныя. Таму якія-небудзь тэрытарыяльныя кампрамісы будуць толькі аслабляць наша дзяржаву. Пытанне ж не ў слове "кампраміс". Навошта яго баяцца? У нас мільён кампрамісаў у жыцці. Яны кожны дзень адбываюцца. Пытанне — з кім. Кампраміс з Пуціным? Не! Чаму? Таму што няма веры".
Украінскі прэзідэнт дадаў, што якія-небудзь кампрамісы ў дачыненні да Данбаса, Крыма або паўднёвых тэрыторый Украіны будуць "бомбай у цэнтры нашай краіны і бомбай у цэнтры Еўропы".
