15-гадовы чэх уцёк з дому, каб ваяваць за Украіну
Польскія памежнікі вярнулі хлопчыка бацькам / laski.strazgraniczna.pl / slaski.strazgraniczna.pl
15-гадовы чэшскі падлетак уцёк з дому, каб ваяваць за Украіну, пра гэта паведамляе Упраўленне памежнай аховы ў польскай частцы Сілезіі.
Пра знікненне падлетка з горада Астрава стала вядома 10 студзеня: ён пайшоў у школу, дзе так і не з'явіўся, і не вярнуўся дадому. Бацькі паведамілі ў паліцыю. Тая падключыла сваіх польскіх калег.
Польская паліцыя ўстанавіла тэлефон хлопчыка ў горадзе Пшэмысль, які знаходзіцца на польска-ўкраінскай мяжы. Апынулася, што падлетак узяў з сабой пашпарт і нават паспеў патрапіць на тэрыторыю Украіны. Дзякуючы міжнароднаму супрацоўніцтву паліцыі хлопца вярнулі на тэрыторыю Польшчы. Цяпер ён знаходзіцца дома.
