195 населеных пунктаў Брэстчыны заставаліся без электрычнасці
Энергетыкі / t.me/Minenergo_by
На Брэстчыне непагадзь 4 студзеня пакінула без электрычнасці 195 населеных пунктаў, паведамляе Міністэрства энергетыкі.
На змену моцным снегападам у рэгіёне прыйшла абліваха — ледзяны дождж. Абледзянелыя галіны і дрэвы падалі на правады, месцамі былі пашкоджаныя апоры ЛЭП.
Больш за ўсё ад непагадзі пацярпелі Брэсцкі, Камянецкі, Драгічынскі, Іванаўскі раёны. Энергетыкі вобласці працуюць ва ўзмоцненым рэжыме. Паведамляецца, што па стане на 7:00 5 студзеня аднаўленчыя работы працягваюцца ў 43 пунктах. Ліквідацыяй наступстваў непагадзі займаецца 21 аварыйная брыгада.
