Абвешчаныя лаўрэаты прэміі за найгоршае апісанне сексу
![Абвешчаныя лаўрэаты прэміі за найгоршае апісанне сексу](/sites/default/files/styles/gallery_main/public/2023-08/sex-0312.jpg.webp?itok=BHldzgDV)
Часопіс The Literary Review уручыў штогадовую прэмію Bad Sex Award — за найгоршае апісанне сексу ў літаратуры.
Сёлета ўпершыню лаўрэатамі сталі адразу два аўтары, піша The Guardian. Прэмію атрымалі француз, лаўрэат Ганкураўскай прэміі 1977 года Дзідзье Дэкуэн і брытанец-дэтэктыўшчык Джон Харві.
У сваім сумнеўным першынстве яны апярэдзілі, напрыклад, Мішэля Уэльбэка з яго новым раманам "Сератанін".
Прапануем пераклады з твораў пераможцаў:
Дзідзье Дэкуэн "Сярод садоў і ціхіх заток" (Le bureau des jardins et des etangs):
"Кацуру застагнаў, калі пад матэрыялам яго кімано сфармавалася выпукласць — выпукласць, якую Міюкі схапіла, размінала, масажавала, сціскала і расціскала. Пасля лашчання чэлес і яечкі Кацуру ператварыліся ў адзіны пагорак, які раскінуўся пад яе далонню. Міюкі адчувала, быццам яна маніпулюе маленькай малпачкай, якая склала свае лапкі".
Джон Харві, "Мір" (Pax):
"Яна ўся гарэла, і гарачыня была ў ім. Ён паглядзеў на яе дасканалую чорную субтыльнасць. Яе вочы былі галоднымі. Як і яго ўласныя, яны гарэлі агнём і пажадай. Больш чым гарачыя, больш чым трапічныя: яны ўдваіх набліжаліся да экватара. Яны абняліся так, быццам гэтым гвалтоўным утрыманнем яны маглі зварыць адзін аднаго".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.