Адразу некалькі аўтамабіляў згарэлі ў Гродне

У Гродне на паркоўцы ў раёне вуліц Таўлая і Малышчынскай увечары 21 снежня загарэліся адразу некалькі машын, піша Newgrodno.by.

Відавочцы кажуць, што агонь распаўсюджваўся вельмі хутка: "Адна з прыпаркаваных машын рэзка ўспыхнула. Полымя ахапіла яе цалкам. Тут жа агонь перакінуўся на суседнюю машыну".

Ратавальнікі, якія прыбылі на месца пажару, хутка патушылі агонь. Але выратаваць аўтамабілі яны не здолелі: ад машын засталіся толькі металічныя каркасы.

Прычына пажару высвятляецца. Таксама высвятляецца, ці не пацярпелі ад агню іншыя аўтамабілі. На гэтай паркоўцы яны стаяць вельмі блізка адна да адной.