Адзін з самых паспяховых стартапаў Казахстана сыходзіць з ПВТ
Балатбек Аспанаў / weproject.media
Бізнес у Беларусі зачыняе стваральнік анлайн-платформы Smart Satu Балатбек Аспанаў, піша Office Life. Гэта адзін з самых паспяховых казахстанскіх стартапаў.
Кампанія "СмартСатуЛаб" была з 2018 года адзіным рэзідэнтам Парку высокіх тэхналогій з казахстанскім капіталам. Цяпер яна знаходзіцца ў працэсе ліквідацыі.
Платформа Smart Satu забяспечвае прамыя кантакты пастаўшчыкоў з рытэйлерамі і рэстаратарамі. Яна ацэньваецца ў 40 мільёнаў долараў.
