Афіцыйныя СМІ не ведаюць, як рэагаваць на скандал з беларускімі паралімпійцамі?
![Афіцыйныя СМІ не ведаюць, як рэагаваць на скандал з беларускімі паралімпійцамі?](/sites/default/files/styles/gallery_main/public/2023-08/1029093179fotolia715.jpg.webp?itok=l-X8AwXj)
Афіцыйныя беларускія СМІ верагодна, не ведаюць, як рэагаваць на скандал з беларускімі паралімпійцамі. На цырымоніі адкрыцця Паралімпійскіх гульняў у Рыа-дэ-Жанейра адзін з чальцоў беларускай дэлегацыі ішоў з расійскім сцягам, які ў яго праз некалькі дзясяткаў метраў адабралі. Як вядома, расійскіх паралімпійцаў у Рыа не дапусцілі з-за допінг-скандалу. Міжнародны паралімпійскі камітэт правядзе расследаванне інцыдэнту. Пакуль невядома, якія санкцыі чакаюць беларускіх паралімпійцаў.
Пра здарэнне напісалі СМІ ўсяго свету. Яны апублікавалі фота беларускай дэлегацыі з двума сцягамі. А вось БЕЛТА пра скандал не напісала ні радка. Не было змешчана і фота нашай дэлегацыі на цырымоніі адкрыцця Паралімпійскіх гульняў.
![Афіцыйныя СМІ не ведаюць, як рэагаваць на скандал з беларускімі паралімпійцамі?](/sites/default/files/paragraphs/image/91064184e032eec3-1f20-451f-bfa1-49c4f9d39446.jpg)
Фота: Reuters