Ахвярамі анамальнай спёкі ў Канадзе маглі стаць 486 чалавек
Ахвярамі анамальнай спёкі ў Канадзе за апошнія пяць дзён маглі стаць 486 чалавек, паведамляе cbc.ca. Самая складаная сітуацыя ў правінцыі Брытанская Калумбія. У горадзе Літан у аўторак метэастанцыя зафіксавала рэкордную тэмпературу — 49,5 градуса цяпла.
Найбольш смерцяў зафіксавана ў Ванкуверы, Барнабі і Сурэі. Многія памерлыя былі пенсіянерамі. Паліцыя не выключае, што згаданыя амаль пяць соцень памерлых — ахвяры анамальна высокай тэмпературы.
