ALEKSEEV прадставіў кліп на песню, з якой сабраўся ехаць на "Еўрабачанне-2018"
Украінскі поп-спявак ALEKSEEV, фіналіст беларускага адбору на "Еўрабачанне-2018", выпусціў кліп на конкурсную песню "Forever". Рэжысёрам выступіў знакаміты кліпмейкер Алан Бадоеў, вядомы па працы з Філіпам Кіркоравым, Ані Лорак, Валерыям Меладзэ, Цінай Караль, Палінай Гагарынай.
Дарэчы, еўрапейскія букмекеры пачалі прымаць першыя стаўкі на фаварытаў "Еўрабачання". Як ні дзіўна, Беларусь упершыню за 15 гадоў не замыкае спіс букмекерскіх ставак, а ўваходзіць у першую дваццатку фаварытаў.
Напрыклад, у панядзелак 29 студзеня англійская кампанія Ladbrokes Coral прымае стаўкі на перамогу Беларусі ў конкурсе з каэфіцыентам 25 — гэта 18-е месца ў фінале ў агульнай табліцы краін-удзельніц. А міжнародны сайт аб "Еўрабачанні" eurovisionworld.com, які публікуе аналіз ставак адразу некалькіх еўрапейскіх кантор, вызначае для Беларусі 20-е месца з 43-х магчымых.
29 студзеня ў Лісабоне стане вядома, у якім паўфінале выступіць прадстаўнік нашай краіны на "Еўрабачанні-2018". Беларускі пераможца будзе вызначаны 16 лютага.
