Асуджаныя яшчэ 11 ашмянскіх мытнікаў, яны атрымалі 60 гадоў зняволення на ўсіх

Асуджаныя яшчэ 11 ашмянскіх мытнікаў, яны атрымалі 60,5 года зняволення на ўсіх. Былых супрацоўнікаў пункта пропуску “Каменны Лог” суд Фрунзенскага раёна Мінска прызнаў вінаватымі ў атрыманні хабару ў буйным памеры (ч. 3 арт. 430 КК). Пяць чалавек атрымалі 5 гадоў зняволення, яшчэ пяць — 6 гадоў, адзін — 5,5 года калоніі ўзмоцненага рэжыму, інфармуе партал tut.by.

Як вядома, па справе ашмянскіх мытнікаў праходзіць 58 чалавек. Частка з іх ужо асуджаная, іншыя — на чарзе. Па версіі следства, мытнікі нанеслі страты на суму ў памеры 876 тысяч долараў і 19 тысяч еўра. Сцвярджаецца, што яны за грошы прапускалі без дагляду праз мяжу фуры з кветкамі.