Рыжанкоў заявіў, што Мінск адкажа, калі Украіна прыменіць дроны супраць Беларусі

Кіраўнік беларускага МЗС Максім Рыжанкоў пагражае "неадкладным адказам" Украіне, калі высветліцца, што Кіеў наўмысна пасылае беспілотнікі ў Беларусь.

— Калі толькі будзе бачна, што ёсць нейкія менавіта наўмысныя дзеянні з пункту гледжання мэтавага выкарыстання беспілотнікаў па беларускай тэрыторыі, адказ, як сказаў кіраўнік нашай дзяржавы, будзе неадкладным, — заявіў Рыжанкоў.

Ён таксама падкрэсліў, што Беларусь падтрымлівае Расію ў вайне супраць Украіны.

— Так, мы падтрымліваем Расію, мы бліжэйшы партнёр. Але і краіны Захаду падтрымліваюць Украіну, — сказаў Рыжанкоў.