Айцішнік з ПВТ плаціць амаль у 5 разоў больш падаткаў, чым сярэдні беларус

Айцішнік з Парку высокіх тэхналогій плаціць амаль у 5 разоў больш падаткаў, чым сярэдні беларус. Пра гэта сведчаць зводныя дадзеныя пра дзейнасць кампаній-рэзідэнтаў ПВТ, вынікі апытанняў і афіцыйныя статыстычныя дадзеныя. З іх вынікае, што ў 2018 годзе агульныя падатковыя плацяжы кампаній і іх супрацоўнікаў склалі 567,4 млн рублёў ці амаль 280 мільёнаў долараў. Гэта амаль 18% ад іх выручкі. У разліку на аднаго працаўніка гэтыя агульныя падатковыя плацяжы склалі 14513,5 рубля ці 7114 долараў, інфармуе сайт research.by.