Бабіна вагой у 1 тону звалілася на рабочага ў Гродне
Трагічнае здарэнне адбылося на будаўніцтве ў Гродне 31 кастрычніка, паведамляе прэс-служба МУС.
Падчас разгрузкі з аўтакрана сарвалася бабіна вагой больш за 1 тону. Яна звалілася на 55-гадовага рабочага, які стаяў побач. Ад атрыманых траўмаў мужчына памёр на месцы.
На месцы здарэння працуе следча-аператыўная група. Следчыя высвятляюць, ці выконваліся патрабаванні аховы працы і тэхнікі бяспекі — як будаўнічай арганізацыяй, так і самім загінулым. Ацэньваецца правамернасць дзеянняў работнікаў, якім было даручана заданне па разгрузцы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.