БАТЭ выбыў з Кубка Беларусі ўжо ў 1/8 фіналу
БАТЭ — "Тарпеда-БелАЗ" / fcbate.by
БАТЭ выбыў з футбольнага Кубка Беларусі ўжо ў 1/8 фіналу. Барысаўчане на сваім полі прайгралі жодзінскаму "Тарпеда-БелАЗ" — 0:2. У іншых матчах, якія прайшлі ў нядзелю, зафіксаваныя наступныя вынікі: "Дынама" (Брэст) — "Арсенал" (Дзяржынск) — 4:1, "Дняпро" — "Іслач" — 0:1.
Раней у чвэрцьфінал выйшлі "Макслайн" і "Белшына" (прадстаўнікі першай лігі), "Слуцк" і "Віцебск".
Апошні чвэрцьфіналіст стане вядомы пазней — матч 1/8 фіналу паміж "Нёманам" і мінскім "Дынама" перанесены на больш позні тэрмін з-за іх удзелу ў еўракубках. Гродзенцы — дзейныя ўладальнікі Кубка Беларусі.
