Беларусь апусцілася на 16 радкоў у Індэксе ўспрымання карупцыі
Мапа краін па рэйтынгу ўспрымання карупцыі. Чым цямнейшы колер, тым вышэйшы ўзровень успрымання карупцыі / transparency.org
У Індэксе ўспрымання карупцыі, які штогод рыхтуе Transparency International, Беларусь займае 114-е месца, маючы 33 балы. Гэта на 16 радкоў ніжэй, чым год таму.
Пазіцыі нашай краіны па гэтым паказчыку пагаршаюцца некалькі гадоў запар: за 2020 год Беларусь мела 47 балаў (найлепшы паказчык), за 2021-ы — 41 бал, за 2022-ы —— 39, за 2023-і —— 37. Менш за ўсё балаў (29) Беларусь атрымала ў 2013 годзе.
Сярод нашых краін-суседак найлепшы паказчык мае Літва (32-е месца), за ёй ідзе Латвія (38). Заўважна ніжэй размяшчаюцца ў Індэксе Польшча (53) і Украіна (105). Горш за Беларусь успрыманне карупцыі выглядае ў Расіі (154).
Першую тройку складаюць Данія (90 балаў), Фінляндыя (88 балаў) і Сінгапур (84 балы).
Індэкс успрымання карупцыі складаецца на аснове экспертных ацэнак з 13 крыніц. У іх якасці выступаюць Сусветны банк і Сусветны эканамічны форум, а таксама яшчэ дзесяць кансалтынгавых кампаній і аналітычных цэнтраў і таксама амерыканская няўрадавая арганізацыя Freedom House.
Узровень успрымання карупцыі ацэньвацца ў балах ад 0 да 100, прычым нуль азначае найбольш высокі ўзровень успрымання карупцыі, 100 — самы нізкі. Чым менш балаў мае дзяяржава, тым больш карумпаванай яна лічыцца.
