Беларусь наведае прадстаўнічая дэлегацыя Еўрасаюза
![Беларусь наведае прадстаўнічая дэлегацыя Еўрасаюза](/sites/default/files/styles/gallery_main/public/2023-08/sciahibm.jpg.webp?itok=a208R7hm)
24 лютага Беларусь наведае прадстаўнічая дэлегацыя Еўрасаюза. Дэлегацыю ўзначальвае намеснік гендырэктара генеральнага дырэктарата Еўракамісіі па палітыцы суседства і перамоваў аб пашырэнні Катарына Мацернава і віцэ-прэзідэнт Еўрапейскага інвестыцыйнага банка Ласла Баранья. Пра гэта ў чацвер на брыфінгу паведаміў начальнік упраўлення інфармацыі, прэс-сакратар МЗС Дзмітрый Мірончык.
У дэлегацыі ЕС запланаваныя сустрэчы ў Нацыянальным банку, Міністэрстве эканомікі, Міністэрстве фінансаў і Адміністрацыі прэзідэнта. Будзе абмяркоўвацца развіццё эканамічнага супрацоўніцтва паміж нашай краінай і Еўрасаюзам.
Нагадаем, Савет ЕС у панядзелак зняў большасць санкцый з Беларусі. Аляксандр Лукашэнка заявіў, што кіраўніцтва нашай краіны цалкам задаволена гэтым крокам.