Беларус падаў заяўку на польскі адбор на "Еўрабачанне-2024"
Дзмітрый Саўян / @pan_savyan
Беларус Дзмітрый Саўян падаў заяўку на польскі адбор на "Еўрабачанне-2024". Ён выступае як акцёр і стэндап-комік, у TikTok вядомы як Pan Savyan. З такім псеўданімам ён і прэтэндуе на ўдзел у шоў.
Патрапіць на конкурс Саўян хоча з песняй "W Kolorku Amaretto". Ідэю для кампазіцыі ён узяў з жыцця. Беларус распавядае, што выпадкова падслухаў размову дзвюх жанчын пра тое, як адна з іх набыла блузку колеру амарэта.
Некаторыя тыктокі Дзмітрыя Саўяна сталі віруснымі. Напрыклад, з рэфрэнам: "Іду на працу, вяртаюся з працы, уоў-уоў-уоў, а калі ўікэнд?" на польскай мове.
Дачатку расійскай агрэсіі беларус жыў у Кіеве, пасля пераехаў у Польшчу, дзе раней скончыў двухгадовы акцёрскі курс. Саўян працягвае здымацца ў кіно.
