Беларусь стала старшынёй у СНД замест Украіны
Пра гэта стала вядома 4 красавіка ў Маскве падчас паседжання Савета міністраў замежных спраў краін-удзельніц Садружнасці.
Ім, дарэчы, кіруе міністр замежных спраў нашай краіны Уладзімір Макей. Ён падкрэсліў, што Беларусь заявіла пра гатоўнасць выконваць функцыі старшыні ў сувязі з адмовай украінскага боку. Гэта будзе пазачорговае старшынства. Макей падкрэсліў, што Беларусь будзе намагацца ўмацоўваць добрасуседскія адносіны на прасторы СНД.
Нагадаем, 19 сакавіка стала вядома, што Украіна спыняе старшынства ў Садружнасці незалежных дзяржаў ды разглядае мэтазгоднасць далейшага свайго ў ім удзелу.
БЕЛТА адзначае, што Беларусь сёлета будзе старшынстваваць на паседжаннях Савета кіраўнікоў краін СНД, Савета кіраўнікоў урадаў Садружнасці і Савета міністраў замежных спраў.
Што губляе Украіна, калі выходзіць з СНД?
Фота — ria.ru
