Беларуска Марыя Мамашук стала чэмпіёнкай Еўропы ў вольнай барацьбе

Беларуска Марыя Мамашук стала чэмпіёнкай Еўропы ў вольнай барацьбе ў вагавой катэгорыі да 69 кг. Кантынентальнае першынство праходзіла ў Рызе. У фінале Мамашук перамагла Ілону Кратыш з Ізраіля — 9:0. Раней на чэмпіянаце яна выйграла ў Сігне Мары Сторэ з Нарвегіі — 8:0, Босе Тосун з Турцыі — 7:6.

У 2014-м Марыя Мамашук брала срэбра на кантынентальным першынстве, праўда, у катэгорыі да 63 кг. Летась яна была лепшай у Еўропе ў той жа катэгорыі сярод моладзі да 23 гадоў.