Беларускую валанцёрку не пусцілі ва Украіну, нягледзячы на ВНЖ

Беларускую валанцёрку Аліну Сельвясюк (Бінаду) не пусцілі ва Украіну, хаця ў яе ёсць часовы від на жыхарства. Пра гэта дзяўчына напісала ў Твітары

"Учора мяне не ўпусцілі ва Украіну, але нагадалі пра ракеты, якія ляцяць з тэррыторыі Беларусі і ў якіх я вінна. валанцёрства, мае данаты і ўся дапамога, якая ёсць і зараз, нікога на мяжы не цікавілі", — піша Аліна.

Дзяўчына піша, што была ва Украіне да сярэдзіны траўня, валанцёрыла: "Ежу гатавала, сеткі пляла, размяшчала людзей у нямеччыне, дапамагала з трансферам, дэдосіла сайты, заданаціла прыкладна 1500 еўра".

Гэта не першы выпадак, калі беларусы сутыкаюцца з аналагічнымі праблемамі ва Украіне. На пачатку жніўня праз украінскую мяжу не прапусцілі цяперашняга прадстаўніка Аб'яднанага пераходнага кабінета па міжнародных адносінах Валерыя Кавалеўскага.