"Белавія" патлумачыла, чаму рэйс у Ташкент вярнуўся дадому
!["Белавія" патлумачыла, чаму рэйс у Ташкент вярнуўся дадому](/sites/default/files/styles/gallery_main/public/2023-08/bielavija-2212.jpg.webp?itok=YKqpv7HP)
Кампанія "Белавія" патлумачыла, чаму не адбыўся рэйс Мінск-Ташкент 21 снежня.
"На этапе пачатковага набору вышыні экіпаж выявіў, што сістэма герметызацыі паветранага судна працуе некарэктна", — гаворыцца ў афіцыйным паведамленні. Таму экіпаж вырашыў вярнуцца ў мінскі аэрапорт, каб праверыць працу сістэмы.
Як распавядала Еўрарадыё, самалёт вылецеў у 20:15, але ў раёне Быхава развярнуўся і паляцеў назад. Каля трох гадзін ён лятаў вакол аэрапорта, выпрацоўваючы загружанае паліва. Прызямліўся самалёт у 23:30.
Рэзервовы борт вылецеў у Ташкент у 1:20. "Палёт прайшоў у штатным рэжыме", — заяўляюць у "Белавіі".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.