Бой каля аэрадрома ў Краматорску, двое параненых
Баевікі працягваюць абстрэлы пазіцый украінскіх вайскоўцаў і праваахоўнікаў каля Краматорска і Славянска ў Данецкай вобласці.
Страляюць з аўтаматаў і гранатамётаў. Як піша ў Facebook кіраўнік Цэнтра ваенна-палітычных даследаванняў Дзмітрый Тымчук, уначы невядомыя баевікі абстралялі з аўтаматычнай зброі аэрадром у Краматорску. Былі параненыя супрацоўнік Службы бяспекі Украіны і вайсковец Нацыянальнай гвардыі. Да з'яўлення мабільнай групы баевікі паспелі адступіць.
Стала вядома, што ўзброеныя людзі захапілі гарадское аддзяленне міліцыі ў горадзе Канстанцінаўка Данецкай вобласці.
Фота — Reuters
