Былога іераманаха асудзілі на 2 гады за допіс пра Лукашэнку ў сацсетках
Аляксандр Тарасенка / citydog.io
Два гады калоніі агульнага рэжыму прысудзілі былому праваслаўнаму іераманаху гомельскага Свята-Мікольскага манастыра Аляксандру Тарасенку, паведамляе тг-канал "Хрысціянская візія".
Тарасенка — вядомы ў гомельскай праваслаўнай супольнасці дзеяч. Яго затрымалі 23 сакавіка 2023 года і асудзілі на 14 сутак. Пасля адміністрацыйнага арышту мужчына не выйшаў — на яго пачалі крымінальную справу за абразу Лукашэнкі (ч. 1 арт. 368) КК РБ.
На відэа, якое знялі сілавікі, Тарасенка казаў, што на сваёй старонцы ў Фэйсбуку апублікаваў абразлівы пост у бок Лукашэнкі.
