Бюджэт Еўрасаюза не сыходзіцца на 20 мільярдаў еўра
Шэраг бюджэтных асігнаванняў вырашана перанесці на 2014 год.
Краіны-удзельніцы ЕС чакаюць да канца года выплат на 50 мільярдаў еўра, але “у касе” засталося толькі 30 мільярдаў. Дзірку ў бюджэце днямі абмяркоўвалі на адмысловай нарадзе прадстаўнікоў Еўрапейскай камісіі, Еўрапарламента і дзяржавы-старшыні ЕС — Літвы. Пра гэта са спасылкай на бельгійскія СМІ паведамляе агенцтва “Interfax”.
Еўрапарламент павінен канчаткова выказацца па праекце бюджэту на 2014-2020 гады падчас пленарнай сесіі 21-24 кастрычніка ў Страсбургу.
Фота: Еўрарадыё.
