Ціханоўская і мора людзей. Фотарэпартаж
30 ліпеня кандыдат у прэзідэнты Святлана Ціханоўская сабрала найбольшы мітынг у Беларусі ў 2000-я гады. Па падліках праваабаронцаў, у парку Дружбы народаў у Мінску пабывала 63 тысячы чалавек. Фота і відэа з беларускай сталіцы абляцелі ўвесь свет.
Мітынг быў вельмі эмацыйны: з прамовамі, лозунгамі, песнямі, слязамі... Выступалі Святлана Ціханоўская і яе "баявыя сяброўкі" па аб'яднаным штабе — Марыя Калеснікава, Вераніка Цапкала. А напрыканцы было незабыўнае мора святла — людзі запалілі ліхтарыкі. І гэта галоўны пасыл акцыі — Ціханоўская спрабуе даказаць, што большасць людзей падтрымлівае менавіта яе.
Прэзідэнцкія выбары адбудуцца 9 жніўня.
Еўрарадыё вяло тэкставы анлайн з мітынга Святланы Ціханоўскай.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
