Для барацьбы з афрыканскай чумой набудуць 122 новыя аўтамабілі
А акрамя гэтага — 118 адмысловых дэзінфекцыйных установак і пяць установак для спальвання трупаў жывёл.
Пра гэта гаворыцца ў новай пастанове Савета міністраў.
Рашэнне пра набыццё аўтамабіляў будуць выконваць Міністэрства фінансаў сумесна з Мінсельгасхарчам. Грошы на новыя машыны накіруюць у “Белаграсэрвіс”, дзяржаўныя ўстановы “Беларускі дзяржаўны ветэрынарны цэнтр” і “Беларускае ўпраўленне дзяржаўнага ветэрынарнага нагляду на дзяржаўнай мяжы і транспарце”.
Нагадаем, што новую пастанову па афрыканскай чуме свіней Савет міністраў прыняў 29 жніўня, яна набыла моц 2 верасня. А апублікаваная была толькі 10-га. Дакумент разасланы мясцовым уладам — у аблвыканкамы і райвыканкамы.
Фота — news.tts.lt
