Два беларусы папрасілі дапамогі ў выездзе з кітайскай правінцыі Хубэй

У МЗС кажуць, што немагчыма ацаніць агульную колькасць беларусаў у КНР, паколькі нашы грамадзяне прыязджаюць з рознымі мэтамі, індывідуальна і ў складзе групаў. Кожнаму беларусу, які захоча з'ехаць з Кітая, беларускія дыпламаты абяцаюць садзейнічанне.

Пры гэтым у Мінску не плануюць прыпыніць безвіз з КНР ці ўвогуле часова закрыць межы з-за каранавіруса. У нацыянальным аэрапорце "Мінск" будзе наладжаны двайны медыка-санітарны кантроль. Як вядома, у Беларусі не выяўлена ніводнага выпадку гэтага захворвання.

У Кітаі ад пнеўманіі, выкліканай новым тыпам каранавіруса, памерлі больш за сто чалавек, захварэлі амаль 5 тысяч. Успышка захворвання адбылася ў горадзе Ухань, які знаходзіцца ў згаданай правінцыі Хубэй.