Джоан Роўлінг выпусціць чатыры новыя кнігі пра Гары Потэра
![Джоан Роўлінг выпусціць чатыры новыя кнігі пра Гары Потэра](/sites/default/files/styles/gallery_main/public/2023-08/poter-3105.jpg.webp?itok=_IZHEFQp)
У чэрвені Джоан Роўлінг выпусціць чатыры новыя кнігі пра Гары Потэра. Яны з'явяцца ў фармаце eBook, перадае Бі-Бі-Сі.
Пісьменніца заявіла, што хоча падарыць прыхільнікам юнага чараўніка "шанс глыбей пагрузіцца ў багатую гісторыю магіі". Апублікаваныя яны будуць на створаным самой Роўлінг сайце Pottermore.
Усе новыя кнігі будуць прысвечаныя ўрокам са школьнай праграмы Хогвартса — Акадэміі вядзьмарства і чараўніцтва, у якой вучыліся Гары Потэр і яго сябры.
Па словах Роўлінг, на стварэнне новых кароткіх апавяданняў яе натхніла выстава ў Брытанскай бібліятэцы, прысвечаная Гары Потэру.
Новая серыя будзе называцца "Гары Потэр: падарожжа праз..." (Harry Potter: A Journey Through...).