ЕС дамовіўся з Іракам, каб спыніліся рэйсы з мігрантамі ў Мінск
Мігранты / БЕЛТА
Еўрасаюз праводзіць перамовы з рознымі дзяржавамі, каб перакрыць паток нелегальных мігрантаў, якія ідуць з Беларусі ў ЕС.
Пра гэта заявіла ў аўторак член Еўрапейскай камісіі па ўнутраных справах Ільва Ёхансан падчас выступу ў Еўрапарламенце, паведамляе "Інтэрфакс-Захад".
Рашэннем праблемы займаецца кіраўнік дыпламатыі ЕС Жазэп Барэль. Ён у тым ліку дамогся прагрэсу на перамовах з іракскім бокам аб спыненні авіярэйсаў для нелегалаў у Мінск з Багдада, паведаміла Ёхансан.
Па пытанні спынення такіх авіяпералётаў у Беларусь Еўрасаюз таксама падтрымлівае кантакты з афрыканскімі краінамі.
Як паведамляла Еўрарадыё, ПАРЕ прыняла рэзалюцыю, у якой заклікала Беларусь перастаць выкарыстоўваць мігрантаў у супрацьстаянні з Захадам.
