Еўракамісія ўжо на наступным тыдні парэкамендуе прыняць Украіну ў кандыдаты ў ЕС

11/06/2022 - 15:30

Еўракамісія завяршае працэс ацэнкі Украіны як патэнцыйнага кандыдата на далучэнне да Еўрасаюза. Кіраўніца Еўракамісіі Урсула фон дэр Ляен, якая 11 чэрвеня была з афіцыйным візітам у Кіеве, сказала, што парэкамендуе даць Украіне статус кандыдата на ўступленне ў ЕС ужо на наступным тыдні.

Але гэта будзе не проста так. Кіеў будзе пастаўлены перад умовамі, звязанымі з вяршэнствам закона і антыкарупцыйным заканадаўствам.

Некаторыя краіны-члены ЕС супраць прадастаўлення Украіне статусу кандыдата. У тым жа ключы выказваюцца і краіны, якія ўжо шмат гадоў маюць такі статус, але дагэтуль не прынятыя ў Еўрасаюз.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.